• pavillón polideportivo A Capela
    A Capela

    A Capela é

    Servizos e Dotacións para os veciños. Confort de vida.

  • fervenza no Sesín

    A Capela é

    Natureza viva. Calidade de vida.

  • Conxunto Mosteiro de Caaveiro

    A Capela é

    Patrimonio histórico. Historia da vida.


Noite no Mosteiro 2019

O evento "Noite no Mosteiro" ten como obxectivo poñer en valor o principal recurso turístico do concello de A Capela: o mosteiro de Caaveiro, así como fomentar e dar a coñecer a cultura e tradicións populares deste Concello.

O acto principal terá lugar á noite, e consiste no acendido da iluminación escénica do Mosteiro de Caaveiro, creando unha estampa que varía en cada edición. As imaxes circularán por Internet, chegando a calquer punto do planeta.

A asistencia é libre e gratuita.

Prégase o máximo respeto e coidado do conxunto arquitectónico e da sua contorna.   

O programa é o seguinte:

  • Ás 19:00: folclore tradicional galego
  • Ás 20:00h: animación infantil
  • Ás 21:00h: concerto "Arko Experience"
  • Ás 23:00h: Concerto "H2 Folk"
  • Ás 24:00h: show iluminación musicada
  • Ás 24:10h: as fadas do bosque
  • Á 01:00h: peche do evento

O programa está organizado polo Concello da Capela e a empresa Eventi, co financiamento da Deputación da Coruña.

NOTA: Horarios estimativos. O Programa pode presentar cambios por motivos imprevistos.

Cómo Chegar:

A pé, pola Capela:

Desde o Pazo a Caaveiro:

Deixamos o coche na aldea de Ou Pazo, xunto ao lavadoiro, onde se atopa o museo etnográfico.

Desde alí comeza un camiño descencente, primeiro por un carreiro moi pedregoso e húmido dunhas ducias de metros, e despois por unha pista máis ancha de terra e zahorra.

O descenso é continuo ata chegar á ponte de Caaveiro sobre o río Sesín, xa no conxunto do mosteiro.

Distancia aproximada: 3 km

Advertencia: non é adecuado para persoas con dificultades de mobilidade. Require certa axilidade (especialmente o tramo do carreiro).

Recomendacións: levar calzado apropiado para sendeirismo, lanterna ou móbil con lanterna e batería cargada, e bastón ou pau de apoio. Regresar polo mesmo camiño.

En Autobús, por A Capela:

O Concello da Capela ofrece un servizo gratuito de autobús dende As Neves ata a entrada ao Camiño Novo. Desde aí hai que seguir a pé por un camiño ancho de zahorra e pedra durante uns 3Km. Os últimos 200 metros son por sendeiro non apto para persoas de mobilidade reducida.

Reservas de autobús por A Capela: nesta ligazón

En Autobús, por Ombre:

Lembramos que a organización deste evento non xestiona nin os accesos ao mosteiro nin o servizo de autobuses, que debe reservarse previamente no Centro de Interpretación.

A Deputación decidiu reforzar o servizo de autobuses por Ombre (Pontedeume), que terá o seguinte horario:

Saídas desde o Centro de Interpretación:

  • Pola mañá: cada 1/2 hora desde as 10:30 h (10:30, 11:00, 11:30, 12:00...) ata as 13:30 h
  • Pola tarde: cada 1/2 hora desde as 16:00 h (16:00, 16:30, 17:00...) ata as 20:30 h e logo unha última viaxe ás 21:30 h

Saídas desde o Mosteiro:

  • Pola mañá: cada 1/2 hora desde as 11:00 h (11:00, 11:30, 12:00, 12:30...) ata as 14:30 h
  • Pola tarde: cada 1/2 desde as 16:30 h (16:30, 17:00, 17:30...) ata as 22:30 h e logo outra viaxe ás 23:00 h, ás 23:30 h, ás 00:30 h e o último ás 01:15 h