Concello da Capela: Patrimonio

Patrimonio Etnográfico :

Unha vez constituido o Patronato do Museo Etnográfico de A Capela, preséntase un primeiro obxectivo, que é a busca dunha ubicación axeitada e estable para as máis de 700 pezas que conforman a “colección etnográfica” ata agora diseminadas polos corredores e outras dependencias do Colexio “Mosteiro de Caaveiro”.

Logo de barallar diferentes opcións, xorde a idea da Casa Rectoral de Santiago da Capela, no lugar de “O Pazo”:

Unha casa de tres alturas, e de superficie dabonda para albergar tódalas pezas.

Unha construcción de gran valor arquitectónico, na que destaca o gran forno que se prolonga en toda a altura da edificación.

Situada no centro dun nucleo rural lindante co Parque Natural das Fragas do Eume, a escasos metros da Igrexa parroquial de Santiago da Capela, recentemente restaurada, e cunha ampla zona de aparcamento.

No Pazo comenza o sendeiro que, discurrindo polo antigo camiño medieval, leva ata o Mosteiro de Caaveiro, do cal, segundo algunhas referencias, foi “casa prioral”.

A creación do museo, e a sua ubicación na Rectoral de O Pazo, comprementase á perfección con outros proxectos actualmente en marcha no noso Concello; o plan de ordenación das Fragas do Eume, a restauración de San Xoan de Caaveiro, e o desenvolvemento do programa Leader posto en marcha polo grupo Euroeume.

O Pazo, no borde mesmo do Parque Natural, presentase como o punto idoneo de partida dun circuito que, discurrindo sempre polo interior das Fragas do Eume pasaría por:

Visita ó Lugar do Pazo, coa Igrexa Parroquial de Santiago de A Capela (seculo XII), o seu cruceiro, e outras construccions de interese como o lavadoiro situado entre a Igrexa e a Rectoral.

Mosteiro de San Xoan de Caaveiro, ó que se chega a través do antigo camiño medieval, camiño orixinal de acceso ó Mosteiro.

Antiga Central hidroeléctrica da Ventureira, unha das primeiras construidas en Galicia a principios do século XX, que serviu para xerar enerxía eléctrica para a cidade de A Coruña.

Visita ó conxunto etnográfico dos muíños do Sesin, recentemente restarurados polo Concello.